Author: UllalaVani

ಉಳ್ಳಾಲ ಬ್ಲಾಕ್ ಮಹಿಳಾ ಕಾಂಗ್ರೆಸ್ ವತಿಯಿಂದ ಸಾಮೂಹಿಕ ಗೋಪೂಜೆ ಉಳ್ಳಾಲ, ನ.09: ಗೋಸಾಕಣೆಯಿಂದ ಜನರು ವಿಮುಖರಾಗುತ್ತಿರುವ ಪರಿಣಾಮ ಹಾಲು ಮತ್ತು ಹಾಲಿನ ಉತ್ಪನ್ನಗಳ ಬೆಲೆ ದಿನೇ ದಿನೇ ಏರಿಕೆಯಾಗುತ್ತಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬರೂ ಗೋಸಾಕಣೆಯತ್ತ ಒಲವು ತೋರುವ ಮೂಲಕ ಸ್ವಾಭಿಮಾನದ ಬದುಕು ಕಟ್ಟಿಕೊಳ್ಳಬೇಕಿದೆ. ಇಲ್ಲವಾದಲ್ಲಿ ಗೋವಿನ ಸಂತತಿಯೇ ನಶಿಸಿ, ಮುಂದಿನ ಪೀಳಿಗೆಯ ಮಕ್ಕಳು ಗೋವು ಎಂದರೆ ಏನು ಎಂದು ಕೇಳುವ ಪರಿಸ್ಥಿತಿ ಎದುರಾಗಬಹುದು ಎಂದು ಉಳ್ಳಾಲ ಬ್ಲಾಕ್ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಚಂದ್ರಿಕಾ ರೈ ಹೇಳಿದರು. ಉಳ್ಳಾಲ ಬ್ಲಾಕ್ ಮಹಿಳಾ ಕಾಂಗ್ರೆಸ್ ವತಿಯಿಂದ ದೀಪಾವಳಿ ಹಬ್ಬದ ಪ್ರಯುಕ್ತ ಸೋಮವಾರ ಕೊಲ್ಯದ ನಾರಾಯಣ ಸಫಲ್ಯ ಅವರ ಮನೆಯಲ್ಲಿ ಆಯೋಜಿಸಿದ್ದ ಸಾಮೂಹಿಕ ಗೋಪೂಜೆ ಕಾರ್ಯಕ್ರಮವನ್ನು ಉದ್ದೇಶಿಸಿ ಅವರು ಮಾತನಾಡಿದರು. ಸಣ್ಣ ವಯಸ್ಸಿನಲ್ಲೇ ತಂದೆಯನ್ನು ಕಳೆದುಕೊಂಡ ನಮ್ಮ ಕುಟುಂಬ ದನದ ಹಾಲನ್ನು ಮಾರಿ ಜೀವನ ಸಾಗಿಸಿದ ಕೃಷಿಕ ಕುಟುಂಬವಾಗಿದೆ. ನಮ್ಮ ಬದುಕಿಗೆ ಆಸರೆಯಾಗಿರುವ ಗೋಮಾತೆಯನ್ನು ದೀಪಾವಳಿ ಹಬ್ಬದ ಗೋಪೂಜೆಯ ಸಂದರ್ಭದಲ್ಲಾದರೂ ಭಕ್ತಿ, ಶ್ರದ್ಧೆಯಿಂದ ಪೂಜಿಸಿ ಗೌರವಿಸುವ…

ಕೊಣಾಜೆ: ಇತ್ತೀಚೆಗೆ ಹಬ್ಬಗಳನ್ನು ಪಾಶ್ಚಾತ್ಯ ಸಂಸ್ಕ್ರತಿಯಂತೆ ವೈಶಿಷ್ಟ್ಯವಾಗಿ ಆಚರಿಸುವುದನ್ನು ಕಾಣುತ್ತೇವೆ. ಆದರೆ ನಮ್ಮ ನಾಡಿನ ಆಯಾ ಹಬ್ಬಗಳು ನಮ್ಮ ಬದುಕಿಗೆ ಪೂರಕವಾಗಿ ಅನೇಕ ಮಹತ್ವತೆಗಳನ್ನು ಒಳಗೊಂಡಿರುತ್ತದೆ. ನಮ್ಮ ಸಂಸ್ಕೃತಿಯ ಜೀವಂತಿಕೆಯನ್ನು ಉಳಿಸಿಕೊಳ್ಳಬೇಕಾದರೆ ಹಬ್ಬಗಳನ್ನು ನಾವು ಸಂಪ್ರದಾಯಬದ್ದವಾಗಿ ಅಚರಿಸುವಂತಾಗಬೇಕು. ಹಬ್ಬಗಳ ಮಹತ್ವ, ಒಳಾರ್ಥವನ್ನು ಮಕ್ಕಳಿಗೆ ಮುಂದಿನ ಪೀಳಿಗೆಗೆ ತಲುಪಿಸುವ ಕಾರ್ಯ ಹಿರಿಯರಿಂದ ಮತ್ತು ಸಂಘಟನೆಗಳಿಂದ ಆಗಬೇಕಿದೆ ಎಂದು ಉಡುಪಿ ಅಜ್ಜರಕಾಡು ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಪ್ರಾಧ್ಯಾಪಕರಾದ ಡಾ.ನವೀನ್ ಕೊಣಾಜೆ ಅವರು ಹೇಳಿದರು. ಅವರು ಪಜೀರು ಸುದರ್ಶನ ನಗರದ ಸರ್ವೋದಯ ಯುವಕ ಮಂಡಲದ 60 ನೇ ವರ್ಷದ ಸಂಭ್ರಮಾಚರಣೆ ಹಾಗೂ ದೀಪಾವಳಿ ಹಬ್ಬದ ಪ್ರಯುಕ್ತ ಭಾನುವಾರ ನಡೆದ ಬೆಳಕಿನ ಹಬ್ಬ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು. ಯಾವುದೇ ಕಾರ್ಯವನ್ನು ಸಂಘಟಿತರಾಗಿ ನಡೆಸಿದರೆ ಯಶಸ್ಸು ಖಂಡಿತಾ ಸಾಧ್ಯ. ಸರ್ವೋದಯ ಯುವಕಮಂಡಲವು ಅದರ ಹೆಸರಿನ ಹಾಗೆಯೇ ಸಮಾಜದ ಕಟ್ಡಕಡೆಯ ವ್ಯಕ್ತಿಯವರೆಗೂ ತಲುಪಿ ಸೇವಾ ಕೈಂಕರ್ಯವನ್ನು ಮುನ್ನಡೆಸಿದೆ ಎಂದರು.ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಪಜೀರು ಗೋವನಿತಾಶ್ರಯ ಟ್ರಸ್ಟ್ ನ…

ಮಂಗಳೂರು: ಸಾರ್ವಜನಿಕರ ಆರೋಗ್ಯದ ಹಿತದೃಷ್ಟಿಯಿಂದ ಉಚಿತ ಕಣ್ಣು ತಪಾಸಣೆ ಹಾಗೂ ಕನ್ನಡಕ ವಿತರಣಾ ಶಿಬಿರವನ್ನು ನವೆಂಬರ್ 17ರಂದು ಮಂಗಳೂರಿನಲ್ಲಿ ಆಯೋಜಿಸಲಾಗಿದೆ. ಇಲ್ಯಾಸ್ ಜುಮಾ ಮಸೀದಿ, KMJ, SYS, SSF ಕಲ್ಕಟ್ಟ ಇಫುಗಲ್ ಅಧೀನದಲ್ಲಿ, ಮೆಲ್ತಿನ ಉಳ್ಳಾಲ ತಾಲ್ಲೂಕು, ಹ್ಯುಮಾನಿಟಿ ಫೌಂಡೇಶನ್ ಹಾಗೂ ಯುತ್ ಫೌಂಡೇಶನ್ ಮಂಗಳೂರು ಇವರ ಸಹಯೋಗದಲ್ಲಿ, ಪತ್ರಕರ್ತ ಬಶೀರ್ ಕಲ್ಕಟ್ಟ ಅವರ ನೇತೃತ್ವದಲ್ಲಿ ವೆಲ್ನೆಸ್, ಜಿಲ್ಲಾ ಅಂಧತ್ವ ನಿವಾರಣಾ ಘಟಕ, ಕೆಎಂಸಿ ಹಾಗೂ ಯೆನೆಪೋಯ ಪಾರಮೆಡಿಕಲ್ ವಿ.ವಿ. ಆಪ್ಟಿಕಲ್ ವಿಭಾಗದ ಸಹಯೋಗದೊಂದಿಗೆ ಈ ಶಿಬಿರ ನಡೆಯಲಿದೆ. ನವೆಂಬರ್ 17ರಂದು ಬೆಳಿಗ್ಗೆ 9ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ ದೇರಳಕಟ್ಟೆಯ ರಿಫಾಯಿಯ ಮದ್ರಸ ಕಲ್ಕಟ್ಟ ಇಲ್ಲಿ ಶಿಬಿರ ನಡೆಯಲಿದ್ದು, ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳುವಂತೆ ಸಂಘಟಕರು ಮನವಿ ಮಾಡಿದ್ದಾರೆ. ಶಿಬಿರದಲ್ಲಿ ಉಚಿತವಾಗಿ ಕಣ್ಣಿನ ತಪಾಸಣೆ ನಡೆಸಲಾಗುವುದಲ್ಲದೆ, ಮಧುಮೇಹ, ರಕ್ತದೊತ್ತಡ ಹಾಗೂ ಚರ್ಮರೋಗ ತಪಾಸಣೆಯ ವ್ಯವಸ್ಥೆಯೂ ಇರಲಿದೆ. ಅಗತ್ಯವಿರುವವರಿಗೆ ಕನ್ನಡಕ ವಿತರಣೆ ಮಾಡಲಾಗುವುದು. ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವಂತೆ…

ತೊಕ್ಕೊಟು: ಶ್ರೀ ಕೊರಗತನಿಯ ಸೇವಾ ಸಮಿತಿ (ರಿ.), ಕೆರೆಬೈಲ್ ಗುಡ್ಡೆ, ಚೆಂಬುಗುಡ್ಡೆ, ತೊಕ್ಕೊಟು ಇದರ ವತಿಯಿಂದ ಶ್ರೀ ಕೊರಗತನಿಯ ಮತ್ತು ಶ್ರೀ ಗುಳಿಗ ದೈವಗಳ ನೂತನವಾಗಿ ನಿರ್ಮಾಣಗೊಳ್ಳುತ್ತಿರುವ ಭಂಡಾರಗುಡಿಯ ವಿಜ್ಞಾಪನಾ ಪತ್ರವನ್ನು ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷರಾದ ಸೂರಜ್ ಕೋಟೆಕಾರ್ ಮತ್ತು ಅವರ ಧರ್ಮಪತ್ನಿ ಶ್ರೀಮತಿ ಪುಷ್ಪಾ ಸೂರಜ್ ಬಿಡುಗಡೆಗೊಳಿಸಿದರು. ಸಭಾ ಕಾರ್ಯಕ್ರಮದಲ್ಲಿ ದೀಪ ಪ್ರಜ್ವಲನೆ ನೆರವೇರಿಸಿದ ಜೀರ್ಣೋದ್ಧಾರ ಸಮಿತಿಯ ಕಾರ್ಯಾಧ್ಯಕ್ಷರಾದ ಚಂದ್ರಶೇಖರ ಉಚ್ಚಿಲ್ ಅವರು ಮಾತನಾಡಿ, “ಕೊರಗಜ್ಜ ತುಳುನಾಡಿನ ಅತ್ಯಂತ ಕಾರಣಿಕದ ದೈವ. ದೈವಗಳ ನೂತನ ಭಂಡಾರಗುಡಿ ನಿರ್ಮಾಣ ಕಾರ್ಯದಲ್ಲಿ ನಾವೆಲ್ಲರೂ ಭಾಗಿಯಾಗುವುದು ನಮ್ಮ ಸೌಭಾಗ್ಯ. ಹಿರಿಯರು ಸ್ಥಾಪಿಸಿರುವ ಈ ಕ್ಷೇತ್ರದಿಂದ ಇಂದು ನಾಡಿಗೆ ಹಾಗೂ ಜನರಿಗೆ ಒಳಿತಾಗುತ್ತಿದೆ” ಎಂದರು. ಈ ಸಂದರ್ಭದಲ್ಲಿ ಜೀರ್ಣೋದ್ಧಾರ ಸಮಿತಿಯ ಗೌರವ ಸಲಹೆಗಾರರಾದ ಜಗದೀಶ್ ಆಳ್ವ ಕುವೆತ್ತಬೈಲ್, ರವೀಂದ್ರ ಶೆಟ್ಟಿ ಉಳಿದೊಟ್ಟು, ಆಡಳಿತ ಸಮಿತಿ ಅಧ್ಯಕ್ಷರಾದ ಪ್ರವೀಣ್ ರೈ, ಕ್ಷೇತ್ರದ ಹಿರಿಯರಾದ ದಾಮೋದರ ಸುವರ್ಣ, ಮಹಿಳಾ ಸಮಿತಿ ಅಧ್ಯಕ್ಷರಾದ ಶ್ರೀಮತಿ ಸುಮಲತಾ, ಕೋಟೆಕಾರ್ ಪಟ್ಟಣ ಪಂಚಾಯತ್…

ಧಾರ್ಮಿಕ ಜಾಗೃತಿ, ತೌಹೀದ್ ಸಂದೇಶ ಹಾಗೂ ಮಾದಕ ವ್ಯಸನದ ವಿರುದ್ಧ ಜಾಗೃತಿ ಮೂಡಿಸಿದ ಭಾಷಣಕಾರರು ಸಜೀಪನಡು: ಧಾರ್ಮಿಕ ಜಾಗೃತಿ ಮೂಡಿಸುವುದು, ಇಸ್ಲಾಮಿನ ಮೂಲಭೂತ ವಿಶ್ವಾಸಗಳ ಕುರಿತು ಅರಿವು ಮೂಡಿಸುವುದು ಹಾಗೂ ಪವಿತ್ರ ಕುರ್‌ಆನ್ ಮತ್ತು ಪ್ರವಾದಿ ಮುಹಮ್ಮದ್ (ಸ.ಅ) ಅವರ ಸುನ್ನತ್‌ನ ಮಹತ್ವವನ್ನು ಜನಸಾಮಾನ್ಯರಿಗೆ ತಿಳಿಸುವ ಉದ್ದೇಶದಿಂದ KSA ಬೋಳಿಯಾರ್–ಸಜೀಪನಡು ಘಟಕದ ವತಿಯಿಂದ ಸಜೀಪನಡುವಿನಲ್ಲಿ ಇಸ್ಲಾಮಿಕ್ ಪಬ್ಲಿಕ್ ಪ್ರೋಗ್ರಾಂ ನಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಿಲಾಲ್ ಮಸ್ಜಿದ್ ಸಜೀಪನಡುವಿನ ಅಧ್ಯಕ್ಷ ಜಾಬಿರ್ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಮಾತನಾಡಿದ ಹುಝೈರ್ ಸಜೀಪ ಅವರು ಸಲಫಿ ಸಿದ್ಧಾಂತದ ಮೂಲ ಆಶಯಗಳು ಹಾಗೂ ಸಮಾಜದಲ್ಲಿ ಈ ಸಿದ್ಧಾಂತದ ಕುರಿತು ಪ್ರಚಲಿತದಲ್ಲಿರುವ ತಪ್ಪು ಕಲ್ಪನೆಗಳ ಬಗ್ಗೆ ವಿವರಿಸಿದರು. ಸಲಫಿಗಳು ಕಬರ್ ಝಿಯಾರತ್ ಮಾಡುವುದಿಲ್ಲ ಮತ್ತು ಪ್ರವಾದಿಯವರ ಮೇಲೆ ಸ್ವಲಾತ್ ಹೇಳುವುದಿಲ್ಲ ಎಂಬ ಆರೋಪಗಳಿಗೆ ಕುರ್‌ಆನ್ ಹಾಗೂ ಅಧಿಕೃತ ಹದೀಸ್‌ಗಳ ಆಧಾರದಲ್ಲಿ ಉತ್ತರಿಸಿದ ಅವರು, ಕಬರ್ ಝಿಯಾರತ್‌ನ ಮಹತ್ವ ಮತ್ತು ಪ್ರವಾದಿಯವರ ಮೇಲೆ ಸ್ವಲಾತ್ ಹೇಳುವ ಶ್ರೇಷ್ಠತೆಯನ್ನು ತಿಳಿಸಿದರು. ನಂತರ ಮಾತನಾಡಿದ…

ಬಂಟ್ವಾಳ: ಜಾಗದ ವಿಚಾರಕ್ಕೆ ಸಂಬಂಧಿಸಿದಂತೆ ಪರಿಶಿಷ್ಟ ಜಾತಿಗೆ ಸೇರಿದ ದಂಪತಿಗಳ ಮೇಲೆ ಹಲ್ಲೆ ನಡೆಸಿ, ಜೀವ ಬೆದರಿಕೆ ಒಡ್ಡಿದ ಪ್ರಕರಣದಲ್ಲಿ ಎಂಟು ಮಂದಿ ಆರೋಪಿಗಳು ತಪ್ಪಿತಸ್ಥರೆಂದು ಸಾಬೀತಾಗಿದ್ದು, ಮಾನ್ಯ ನ್ಯಾಯಾಲಯವು ಒಟ್ಟು ರೂ.1,01,000 ದಂಡ ವಿಧಿಸಿ ಆದೇಶಿಸಿದೆ. ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ಸರಪಾಡಿ ಅಲಿಪಾದೆ ಎಂಬಲ್ಲಿ 2022ರ ಅಕ್ಟೋಬರ್ 24ರಂದು ರಾತ್ರಿ ಜಾಗದ ವಿಚಾರಕ್ಕೆ ಸಂಬಂಧಿಸಿದಂತೆ ಅಕ್ಕಪಕ್ಕದ ಮನೆಯವರ ನಡುವೆ ಮನಸ್ತಾಪ ಉಂಟಾಗಿತ್ತು. ಈ ಸಂದರ್ಭದಲ್ಲಿ ರಾಜೇಶ್ ಮತ್ತು ಅವರ ಪತ್ನಿಯ ಮೇಲೆ ನೆರೆಮನೆಯ ನಿವಾಸಿಗಳಾದ ಕೃಷ್ಣಪ್ಪ ನಾಯ್ಕ, ಅವರ ಪತ್ನಿ ಜಯಂತಿ, ಮಗ ವಿನೋದ ಹಾಗೂ ಪಕ್ಕದ ಮನೆಯವರಾದ ಮುನ್ನ ಮತ್ತು ಲಕ್ಷ್ಮಣ ಸೇರಿದಂತೆ ಇತರ ನಾಲ್ಕೈದು ಮಂದಿ ಹಲ್ಲೆ ನಡೆಸಿ ಜೀವ ಬೆದರಿಕೆ ಒಡ್ಡಿದ್ದರು ಎಂದು ಆರೋಪಿಸಿ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿತ್ತು. ಈ ಸಂಬಂಧ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಅ.ಕ್ರ. 79/2022ರಂತೆ ಐಪಿಸಿ ಕಲಂ 307, 143, 147, 148,…

ಕುಂಪಲ: ಸಮಾಜ ಸೇವೆ ಹಾಗೂ ಶಿಕ್ಷಣ ಕ್ಷೇತ್ರದಲ್ಲಿ ಸಲ್ಲಿಸಿದ ಅನನ್ಯ ಸೇವೆಯನ್ನು ಗುರುತಿಸಿ 71ನೇ ಕರ್ನಾಟಕ ರಾಜ್ಯೋತ್ಸವ ಜಿಲ್ಲಾ ಪ್ರಶಸ್ತಿಗೆ ಭಾಜನರಾದ ಕುಂಪಲದ ನೂರಾನಿ ಯತೀಂ ಖಾನಾದ ಅಧ್ಯಕ್ಷರಾದ ಯು.ಎಸ್. ಅಬೂಬಕ್ಕರ್ ಹಾಜಿ ಅವರನ್ನು ಸಂಸ್ಥೆಯ ವತಿಯಿಂದ ಭವ್ಯವಾಗಿ ಸನ್ಮಾನಿಸಲಾಯಿತು. ಕುಂಪಲದ ನೂರಾನಿ ಯತೀಂ ಖಾನಾದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಯು.ಎಸ್. ಅಬೂಬಕ್ಕರ್ ಹಾಜಿ ಅವರಿಗೆ ವಿಶೇಷ ಸ್ಮರಣಿಕೆ ನೀಡಿ, ಶಾಲು ಹೊದಿಸಿ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ಕೆ.ಎಂ. ಅಬ್ದುಲ್ಲಾ ಹಾಜಿ, ಇಕ್ಬಾಲ್ ಹಾಜಿ, ಮಹಮ್ಮದ್ ಹಾಜಿ, ನಜೀರ್, ಬಾವ ಹಾಜಿ, ಪಾರೆ ಅಬ್ದುಲ್ ಇಸ್ಮಾಯಿಲ್, ಅಬ್ದುಲ್ ಸತ್ತಾರ್, ಕೆ.ಎಂ. ಅಬ್ದುಲ್ ಸಮದ್, ಕೆ.ಎಂ. ಅಬ್ದುಲ್, ಎನ್.ಎಸ್. ಉಮರ್, ರಹೀಂ ಕೆ.ಎಂ., ಫತ್ತಾಹ್, ಫಾರೂಕ್ ಉಳ್ಳಾಲ್, ಮ್ಯಾನೇಜರ್ ಮೂಸಾ, ಜಬೀರ್ ಯು.ಎಸ್., ಸಲೀಂ ಯು.ಎಸ್., ಆರಿಫ್ ಯು.ಎಸ್. ಸೇರಿದಂತೆ ಸಮಾಜದ ಗಣ್ಯರು, ಸಂಸ್ಥೆಯ ಉಸ್ತಾದ್‌ಗಳು, ಸಿಬ್ಬಂದಿ ವರ್ಗದವರು, ವಿದ್ಯಾರ್ಥಿಗಳು ಹಾಗೂ ಸದಸ್ಯರು ಉಪಸ್ಥಿತರಿದ್ದರು.

ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಗಳ ಸಹಕಾರ ಸಂಘಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ನೌಕರರ ಆರ್ಥಿಕ ಶ್ರೇಯೋಭಿವೃದ್ಧಿಗೆ ಪೂರಕವಾಗಿರುವ ದಕ್ಷಿಣ ಕನ್ನಡ ಸಹಕಾರಿ ನೌಕರರ ಸಹಕಾರ ಸಂಘ 2025-26ನೇ ಸಾಲಿನಲ್ಲಿ 1.07 ರು. ಕೋಟಿ ಲಾಭ ಗಳಿಸಿ, ಸದಸ್ಯರಿಗೆ ಶೇ.22ರಷ್ಟು ಡಿವಿಡೆಂಡ್ ಘೋಷಿಸಿದೆ ಎಂದು ಸಂಘದ ಅಧ್ಯಕ್ಷ ಎಸ್. ಜಗದೀಶ್ಚಂದ್ರ ಅಂಚನ್ ತಿಳಿಸಿದರು.ಮಂಗಳೂರಿನ ಕೊಡಿಯಾಲ್‌ಬೈಲ್‌ನಲ್ಲಿರುವ ಸಂಘದ ಪ್ರಧಾನ ಕಚೇರಿಯ ಸಪ್ತವರ್ಣ ಸಭಾಂಗಣದಲ್ಲಿ ನಡೆದ 95ನೇ ಸರ್ವ ಸದಸ್ಯರ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಸಂಘ 29.16 ಲಕ್ಷ ರು. ಪಾಲು ಬಂಡವಾಳ, 7.94 ಕೋಟಿ ರು. ವಿವಿಧ ನಿಧಿಗಳನ್ನು ಹೊಂದಿದೆ. ಸಂಘದ ಠೇವಣಿ ಮೊತ್ತ ಹಿಂದಿನ ಸಾಲಿನ ಅಂತ್ಯದಲ್ಲಿದ್ದ 94.33 ಕೋಟಿ ರು.ಯಿಂದ 108.08 ಕೋಟಿ ರು.ಗೆ ಏರಿಕೆಯಾಗಿದೆ. ಸಾಲ ಮುಂಗಡ ಮೊತ್ತ 82.90 ಕೋಟಿ ರು.ಯಿಂದ 91.67 ಕೋಟಿ ರು.ಗೆ ಹೆಚ್ಚಳವಾಗಿದೆ. ಇದರೊಂದಿಗೆ ಸಂಘದ ಒಟ್ಟು ವ್ಯವಹಾರ ಹಿಂದಿನ ಸಾಲಿನ 177.23 ಕೋಟಿ ರು.ಯಿಂದ 199.75 ಕೋಟಿ ರು.ಗೆ ಏರಿಕೆಯಾಗಿದೆ.…

ಮಂಗಳೂರು : ಇಲೆಕ್ಟ್ರೀಷಿಯನ್‌ ಆಗಿ ಕಾರ್ಯನಿರ್ವಹಿಸುವ ವ್ಯಕ್ತಿಯನ್ನು ತಡರಾತ್ರಿ ವೇಳೆ ತಡೆಹಿಡಿದು ರೂ.4000 ದಷ್ಟು ಹಣವನ್ನು ದೋಚಿರುವ ಪಾಂಡೇಶ್ವರ ಪೊಲೀಸ್‌ ಠಾಣೆಯ ಮೂವರು ಸಿಬ್ಬಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ. ಮೂಲತ: ವಿಟ್ಲ ಮುಡ್ನೂರು ನಿವಾಸಿ , ಪಾಂಡೇಶ್ವರದ ಶಿವನಗರದ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿರುವ ಇಲೆಕ್ಟ್ರೀಷಿಯನ್‌ ವೃತ್ತಿ ನಡೆಸುತ್ತಿರುವ ರವಿರಾಜ್‌ ಪೊಲೀಸರಿಂದ ದೌರ್ಜನ್ಯಕ್ಕೊಳಗಾದವರು. ಕಂಕನಾಡಿಯ ಖಾಸಗಿ ಸಂಸ್ಥೆಯಲ್ಲಿ ಇಲೆಕ್ಟ್ರೀಷಿಯನ್‌ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಆ.25 ರಂದು ರಾತ್ರಿ ೧೦ ಗಂಟೆಗೆ ನೆಹರು ಮೈದಾನದಲ್ಲಿ ವಾಕಿಂಗ್‌ ಮುಗಿಸಿ ಬಾಡಿಗೆ ಮನೆ ಕಡೆಗೆ ನಡೆದುಕೊಂಡು ಹೋಗುವ ಸಂದರ್ಭ ಆರ್‌ಟಿಓ ಸಮೀಪ ಹೊಯ್ಸಳ ವಾಹನದಲ್ಲಿ ಬಂದ ಚಾಲಕರಾದ ಪಾಂಡೇಶ್ವರ ಠಾಣೆಯ ಹೀರಣ್ಣ ಬೆನ್ನಿ, ಸಿಬ್ಬಂದಿಗಳಾದ ಶಿವರಾಜ್‌ ಮತ್ತು ಉಮನಾಥ್‌ ಎಂಬವರುಗಳು ರವಿರಾಜ್‌ ಅವರನ್ನು ತಡೆದು ನಿಲ್ಲಿಸಿ ಬೆತ್ತದಿಂದ ಭುಜಕ್ಕೆ ಮತ್ತು ಕಾಲಿಕೆ ಹೊಡೆದು, ಕಿಸೆಯಲ್ಲಿದ್ದ ಮೊಬೈಲನ್ನು ತೆಗೆದು, ಅದರ ಕವರಿನಲ್ಲಿದ್ದ ರೂ.300 ಹಣವನ್ನು ಬಲತ್ಕಾರವಾಗಿ ಕಸಿದು ಅಶ್ಲೀಲ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಜೈಲಿಗೆ ಹಾಕುವುದಾಗಿ ಬೆದರಿಸಿ…

ಬೆಂಗಳೂರಿನಲ್ಲಿ ನಡೆದ ರಾಷ್ಟ್ರೀಯ ಮಟ್ಟದ ಅಮೆಚ್ಚೂರು ಕಬಡ್ಡಿ ಅಸೋಸಿಯೇಷನ್ ರೆಫ್ರಿ ಬೋರ್ಡ್‌ನ ರಾಷ್ಟ್ರೀಯ ಮಟ್ಟದ ತೀರ್ಪುಗಾರಿಕಾ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವ ಮೂಲಕ ಪತ್ರಕರ್ತ ಹಂಝಾ ಕಿನ್ಯಾ ಅವರು ರಾಷ್ಟ್ರೀಯ ಮಟ್ಟದ ಕಬಡ್ಡಿ ತೀರ್ಪುಗಾರರಾಗಿ ಆಯ್ಕೆಯಾಗಿದ್ದಾರೆ. ಪತ್ರಿಕೋದ್ಯಮದ ಜೊತೆಗೆ ಕ್ರೀಡಾ ಕ್ಷೇತ್ರದಲ್ಲಿಯೂ ತಮ್ಮ ಆಸಕ್ತಿ ಮತ್ತು ಪರಿಶ್ರಮದ ಮೂಲಕ ಸಾಧನೆ ಮಾಡಿರುವ ಹಂಝಾ ಕಿನ್ಯಾ ಅವರ ಈ ಆಯ್ಕೆಯು ಹೆಮ್ಮೆಯ ಸಂಗತಿಯಾಗಿದೆ. ಕ್ರೀಡಾ ಕ್ಷೇತ್ರವಲ್ಲದೇ ಸಾಂಸ್ಕೃತಿಕ ಹಾಗೂ ಸಂಘಟನಾ ರಂಗದಲ್ಲೂ ಹಂಝಾ ಕಿನ್ಯಾ ಸಕ್ರಿಯರಾಗಿದ್ದಾರೆ. 12 ವರ್ಷಗಳ ಕಾಲ ರಾಜ್ಯ ಮಟ್ಟದ ಸೇವೆ ಸಲ್ಲಿಸಿ, ಉಳ್ಳಾಲ ತಾಲ್ಲೂಕು ಅಮೆಚೂರು ಕಬಡ್ಡಿ ತೀರ್ಪುಗಾರರ ಮಂಡಳಿ, ದ.ಕ ಜಿಲ್ಲಾ ಅಮೆಚೂರು ಕಬಡ್ಡಿ ತೀರ್ಪುಗಾರರ ಮಂಡಳಿಯ ಸದಸ್ಯರಾಗಿರುವ ಇವರು ಇದೀಗ ರಾಷ್ಟ್ರೀಯ ಮಟ್ಟದ ತೀರ್ಪುಗಾರರಾಗಿ ಆಯ್ಕೆಯಾಗಿರುತ್ತಾರೆ. ರಾಷ್ಟ್ರೀಯ ಮಟ್ಟದ ತೀರ್ಪುಗಾರರಾಗಿ ಆಯ್ಕೆಯಾಗಿರುವ ಅವರಿಗೆ ಕ್ರೀಡಾಭಿಮಾನಿಗಳು, ಪತ್ರಕರ್ತರು ಹಾಗೂ ಹಿತೈಷಿಗಳು ಅಭಿನಂದನೆಗಳನ್ನು ಸಲ್ಲಿಸಿ, ಮುಂದಿನ ದಿನಗಳಲ್ಲಿ ಕಬಡ್ಡಿ ಕ್ಷೇತ್ರದಲ್ಲಿ ಇನ್ನಷ್ಟು ಉನ್ನತ ಸಾಧನೆ ಮಾಡುವಂತಾಗಲಿ ಎಂದು ಶುಭ ಹಾರೈಸಿದ್ದಾರೆ.