UN NETWORKS
ಸೋಮೇಶ್ವರ: ಸೋಮೇಶ್ವರದಲ್ಲಿ ರೈಲು ಬರುವ ಹಿನ್ನೆಲೆಯಲ್ಲಿ ಗೇಟು ಹಾಕುತ್ತಿದ್ದಾಗಲೇ ಬಂದ ಮಿನಿಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಗೇಟು ತುಂಡಾಗಿದೆ, ಇದರ ಪರಿಣಾಮ ವಾಹನ ಸವಾರರು ಎದುರಿಸಬೇಕಾಯಿತು.
ಗೇಟು ತುಂಡಾಗಿದ್ದರಿಂದ ಬೇರೆ ದಾರಿ ಕಾಣದೆ ಹಾಕಿದ ಸಂಕಲೆ ತೆಗೆಯಲು ಗೇಟ್ ಕೀಪರ್ ಮುಂದಾಗಲಿಲ್ಲ. ಇದರಿಂದ ಅಸಮಾಧಾನಗೊಂಡ ಒಂದಿಬ್ಬರು ಬೈಕ್ ಚಾಲಕರು ಸಂಕಲೆ ದಾಟಿ ತಮ್ಮ ಪ್ರಯಾಣ ಮುಂದುವರಿಸಿದರು. ಇದನ್ನು ಗಮನಿಸಿದ ಇನ್ನೂ ಕೆಲವು ಮಂದಿ ಸಂಕಲೆಯನ್ನೇ ಮುರಿಯಲು ಮುಂದಾದರು. ಅದರಿಂದ ಗಲಿಬಿಗೊಂಡ ಗೇಟ್ ಕೀಪರ್, ರೈಲು ಬರುವ ಹೊತ್ತಾಯಿತು ಎಂದು ವಾಹನ ಸವಾರರನ್ನು ತಡೆದು ಸಂಕಲೆ ಭದ್ರಪಡಿಸಿದರು. ಹಲವು ಹೊತ್ತು ಕಾದ ವಾಹನ ಸವಾರರು ಬೇರೆ ದಾರಿ ಕಾಣದೆ ಪರ್ಯಾಯ ಮಾರ್ಗದಲ್ಲಿ ಪ್ರಯಾಣಿಸಬೇಕಾಯಿತು.
ಈ ಗೇಟು ಪುರಾತನ ಕಾಲದ್ದಾಗಿರುವುದರಿಂದ ನಿರಂತರ ಜಾಮ್ ಆಗುವುದು ನಡೆಯುತ್ತಲೇ ಇದೆ ಎಂದು ಸಾರ್ವಜನಿಕರು ದೂರಿದ್ದಾರೆ.