ಮಂಗಳೂರು : 113 ವರ್ಷಗಳ ಸೇವಾ ಪರಂಪರೆಯುಳ್ಳ ಎಮ್.ಸಿ.ಸಿ ಬ್ಯಾಂಕ್ ಲಿಮಿಟೆಡ್ (MCC Bank Ltd) ತನ್ನ 20ನೇ ಶಾಖೆಯನ್ನು ಆಗಸ್ಟ್ 3ರಂದು ಬೈಂದೂರಿನಲ್ಲಿ ಉದ್ಘಾಟಿಸಲು ಸಜ್ಜಾಗಿದೆ. ಈ ಕುರಿತು ಮಂಗಳೂರು ಹಂಪನಕಟ್ಟೆಯಲ್ಲಿನ ಬ್ಯಾಂಕ್ ಹೆಡ್ ಆಫೀಸ್ನ ಬೋರ್ಡ್ ಸಭಾಂಗಣದಲ್ಲಿ ಬುಧವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಸಹಕಾರ ರತ್ನ ಅನಿಲ್ ಲೋಬೊ ಮಾಹಿತಿ ನೀಡಿದರು.
2024-25ನೇ ಹಣಕಾಸು ವರ್ಷದ ಅಂತ್ಯದಲ್ಲಿ ಬ್ಯಾಂಕ್ ₹1300 ಕೋಟಿ ವ್ಯಾಪಾರ ಮೊತ್ತವನ್ನು ಮುಟ್ಟಿದ್ದು, 20% ಬೆಳವಣಿಗೆಯನ್ನು ದಾಖಲಿಸಿದೆ. ಬ್ಯಾಂಕ್ನ ನಿವ್ವಳ ಬಂಡವಾಳ ₹76 ಕೋಟಿಯಿಂದ ₹83.76 ಕೋಟಿಗೆ ಏರಿಕೆಯಾಗಿದೆ. ಎನ್ಆರ್ಐ ಖಾತೆದಾರರಿಂದ ನಿರಂತರ ಬೆಂಬಲ ದೊರೆತಿದೆ.
2018ರಿಂದ ಅನಿಲ್ ಲೋಬೊ ನೇತೃತ್ವದ ಆಡಳಿತ ಮಂಡಳಿಯು ಅಧಿಕಾರ ವಹಿಸಿಕೊಂಡ ಬಳಿಕ ಬ್ಯಾಂಕಿನಲ್ಲಿ ಸಮಗ್ರ ಬೆಳವಣಿಗೆ ಕಂಡುಬಂದಿದೆ. ಠೇವಣಿಗಳು ₹304 ಕೋಟಿಯಿಂದ ₹728 ಕೋಟಿ (139%) ಏರಿಕೆಯಾಗಿದ್ದರೆ, ಸಾಲ ಮತ್ತು ಮುಂಗಡ ₹191 ಕೋಟಿಯಿಂದ ₹572 ಕೋಟಿಗೆ (199%) ಹೆಚ್ಚಾಗಿದೆ. ಶೇರು ಬಂಡವಾಳ, ಮೀಸಲು ನಿಧಿ, ಬಿಸಿನೆಸ್ ಟರ್ನ್ ಓವರ್ ಹಾಗೂ ಆಸ್ತಿ ಮೇಲಿನ ಆದಾಯದ ಪ್ರಮಾಣದಲ್ಲಿ ಶೇ.150ಕ್ಕಿಂತ ಹೆಚ್ಚು ಅಭಿವೃದ್ಧಿ ಕಂಡುಬಂದಿದೆ.
ಬ್ಯಾಂಕ್ ತನ್ನ ಶಾಖಾ ಜಾಲವನ್ನು ದಕ್ಷಿಣ ಕನ್ನಡ ಮತ್ತು ಉಡುಪಿಯಿಂದ ಇಡೀ ಕರ್ನಾಟಕದ ಮಟ್ಟಿಗೆ ವಿಸ್ತರಿಸಿದೆ. ಬ್ಯಾಂಕ್ನ ವ್ಯವಹಾರ ಸಂಪೂರ್ಣ ಕೋರ್ ಬ್ಯಾಂಕಿಂಗ್ ತಂತ್ರಜ್ಞಾನದಲ್ಲಿ ನಡೆಯುತ್ತಿದ್ದು, ಖಾಸಗಿ ಮತ್ತು ಸಾರ್ವಜನಿಕ ಬ್ಯಾಂಕುಗಳಿಗೆ ಸಮಾನ ಸೇವೆಗಳನ್ನು ನೀಡುತ್ತಿದೆ.
ಬೈಂದೂರಿನಲ್ಲಿ ನಡೆಯುವ ಶಾಖೆ ಉದ್ಘಾಟನಾ ಸಮಾರಂಭದಲ್ಲಿ : ಅಧ್ಯಕ್ಷತೆಯನ್ನು ಅನಿಲ್ ಲೋಬೊ ವಹಿಸಲಿದ್ದು, ಬೈಂದೂರಿನ ಹೋಲಿ ಕ್ರಾಸ್ ಚರ್ಚ್ನ ಪಾದ್ರಿ ರೆವ್. ಫಾ. ವಿನ್ಸೆಂಟ್ ಕೊಯ್ಲೋ ಆಶೀರ್ವಚನ ನೀಡಲಿದ್ದಾರೆ. ಬೈಂದೂರು ಶಾಸಕ ಗುರುರಾಜ ಗಾಂತೆಹೊಳೆ ಮುಖ್ಯ ಅತಿಥಿಯಾಗಿ ಪಾಲ್ಗೊಳ್ಳಲಿದ್ದಾರೆ.
ಗೌರವಾತಿಥಿಗಳಾಗಿ ಬಾಬು ಶೆಟ್ಟಿ (ಮೂಕಾಂಬಿಕಾ ದೇವಸ್ಥಾನ, ಕೊಲ್ಲೂರು), ಫಾ. ಫಿಲಿಪ್ ನೆಲಿವಿಲ್ಲಾ (ಸೆಂಟ್ ತೋಮಸ್ ರೆಸಿಡೆನ್ಷಿಯಲ್ ಶಾಲೆ), ರಾಜು ಪೂಜಾರಿ (ಮಾಜಿ ಜಿಲ್ಲಾ ಪಂಚಾಯತ್ ಅಧ್ಯಕ್ಷ), ಸದಾಶಿವ ಪದುವಾರಿ, ಕಪ್ಸಿ ನೂರ್ ಮೊಹಮ್ಮದ್, ನಾಗೇಶ್ ಖಾರ್ವಿ, ಹಾಗೂ ಬೈಂದೂರು ಬಾರ್ ಅಸೋಸಿಯೇಷನ್ ಅಧ್ಯಕ್ಷ ಮೊಬಿ ಪಿ.ಸಿ. ಉಪಸ್ಥಿತರಿರುವರು.
ಎಟಿಎಂ ಸೇವೆಗಳ ವಿಸ್ತರಣೆ :
9ನೇ ಎಟಿಎಂ – ಬೆಲ್ಮಣ (09.08.2025)
10ನೇ ಎಟಿಎಂ – ಸೂರತ್ಕಲ್ (10.08.2025)
11ನೇ ಎಟಿಎಂ – ಕುಲಶೇಖರ (17.08.2025) – ಶಾಖೆ ಸ್ಥಳಾಂತರದೊಂದಿಗೆ
12ನೇ ಎಟಿಎಂ – ಕಿನ್ನಿಗೋಳಿ (14.09.2025)
13ನೇ ಎಟಿಎಂ – ಉಡುಪಿ (27.09.2025)
14ನೇ ಎಟಿಎಂ – ಸಂತೆಕಟ್ಟೆ (05.10.2025)
ಬ್ಯಾಂಕ್ನ ಸೇವೆಗಳು:
ಬ್ಯಾಂಕ್ ತನ್ನ ಗ್ರಾಹಕರಿಗೆ ಕಡಿಮೆ ಬಡ್ಡಿದರದಲ್ಲಿ ಲಾಕರ್ ವ್ಯವಸ್ಥೆ, ಶಿಕ್ಷಣ ಸಾಲ (ದೇಶೀಯ ಮತ್ತು ಅಂತಾರಾಷ್ಟ್ರೀಯ), ವಾಹನ, ಮನೆ ನಿರ್ಮಾಣ, ಮದುವೆ ಹಾಗೂ ತವಕದ ವಸ್ತುಗಳ ಖರೀದಿ ಸಾಲ, ಪ್ರೊಸೆಸಿಂಗ್ ಶುಲ್ಕವಿಲ್ಲದ ಬಂಗಾರ ಸಾಲ ಸೇರಿದಂತೆ ಹಲವಾರು ಸಾಲ ಸೌಲಭ್ಯಗಳನ್ನು ನೀಡುತ್ತಿದೆ. ಉಚಿತ ಎಟಿಎಂ ಮತ್ತು ಮೊಬೈಲ್ ಬ್ಯಾಂಕಿಂಗ್ ಸೇವೆಯನ್ನೂ ಒದಗಿಸುತ್ತಿದೆ. ಠೇವಣಿಗಳು ಡಿಪಾಸಿಟ್ ಇನ್ಶೂರೆನ್ಸ್ ಮತ್ತು ಕ್ರೆಡಿಟ್ ಗ್ಯಾರಂಟಿ ಕಾರ್ಪೊರೇಶನ್ (DICGC) ಮೂಲಕ ವಿಮೆಗೊಂಡಿವೆ.
ಪತ್ರಿಕಾಗೋಷ್ಠಿಯಲ್ಲಿ ಉಪಾಧ್ಯಕ್ಷ ಜೆರಾಲ್ಡ್ ಜುಡ್ ಡಿಸಿಲ್ವಾ, ನಿರ್ದೇಶಕರಾದ ಆಂಡ್ರೂ ಡಿಸೋಜ, ಡಾ. ಜೆರಾಲ್ಡ್ ಪಿಂಟೋ, ಅನಿಲ್ ಪಟ್ರಾವ್, ಜೆ.ಪಿ. ರೋಡ್ರಿಗ್ಸ್, ಡೇವಿಡ್ ಡಿಸೋಜ, ಎಲ್ರಾಯ್ ಕ್ರಾಸ್ಟೋ, ಹೆರಾಲ್ಡ್ ಮೊಂಟೇರೊ, ರೋಷನ್ ಡಿಸೋಜ, ಮೆಲ್ವಿನ್ ವಾಸ್, ವಿಂಸೆಂಟ್ ಲಾಸ್ರಾಡೋ, ಸಿ.ಜಿ. ಪಿಂಟೋ, ಸುಶಾಂತ್ ಸಾಲ್ದಾನ್ಹಾ, ಐರಿನ್ ರೆಬೆಲ್ಲೋ, ಡಾ. ಫ್ರೀಡಾ ಡಿಸೋಜ, ಅಲ್ವಿನ್ ಮೊಂಟೇರೊ, ಫೆಲಿಕ್ಸ್ ಡಿಕ್ರೂಜ್, ಶರ್ಮಿಳಾ ಮೆನೇಜಸ್ ಹಾಗೂ ಸಾಮಾನ್ಯ ವ್ಯವಸ್ಥಾಪಕ ಸುನಿಲ್ ಮೆನೇಜಸ್ ಉಪಸ್ಥಿತರಿದ್ದರು.