ಉಳ್ಳಾಲವಾಣಿ
ಉಳ್ಳಾಲದಲ್ಲಿ ಹೊಸ ಪತ್ರಿಕೆಯ ಪ್ರಾರಂಭ:
ಉಳ್ಳಾಲ: ಉಳ್ಳಾಲ ತಾಲೂಕಿನ ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಹೊಸ ಅಧ್ಯಾಯವನ್ನು ರಚಿಸಬಹುದು ಎಂಬ ಧ್ಯೇಯ ಹಾಗೂ ಸಂತೋಷದೊಂದಿಗೆ, 18 ವರ್ಷಗಳ ಪತ್ರಿಕೋದ್ಯಮದ ಅನುಭವವನ್ನು ಧಾರೆ ಎರೆದ ಪತ್ರಕರ್ತರು ಹೊಸ ಪತ್ರಿಕೆ “ಉಳ್ಳಾಲವಾಣಿ”ಯನ್ನು ಪ್ರಾರಂಭಿಸಿದ್ದಾರೆ. ಇದು ಸ್ಥಳೀಯ, ಸಾಮಾಜಿಕ, ರಾಜಕೀಯ ಮತ್ತು ಸಾಂಸ್ಕೃತಿಕ ಘಟನೆಗಳನ್ನು ಪ್ರಸ್ತುತಪಡಿಸಲು ಮತ್ತು ಪ್ರಜಾಪ್ರಭುತ್ವದ ಉತ್ತಮತೆಯನ್ನು ಪ್ರೋತ್ಸಾಹಿಸುವ ವಿಶ್ವಾಸವನ್ನು ನೀಡುತ್ತಿದೆ.
ಪತ್ರಿಕೆಯ ಉದ್ದೇಶ ಮತ್ತು ಸಂಕಲ್ಪ:
“ಉಳ್ಳಾಲವಾಣಿ” ಪತ್ರಿಕೆ ಪ್ರಮುಖವಾಗಿ ತಾಲೂಕಿನ ಆಂತರಿಕ ಮತ್ತು ಬಾಹ್ಯ ಸೇರಿ ಎಲ್ಲಾ ಪ್ರಸ್ತುತ ವಿದ್ಯಾಮಾನಗಳನ್ನು ಸಮರ್ಥವಾಗಿ, ಸೂಕ್ತವಾಗಿ ಮತ್ತು ನಿಖರವಾಗಿ ವರದಿ ಮಾಡಲು ಉದ್ದೇಶಿಸಿದೆ. ಈ ಪತ್ರಿಕೆ ಸ್ಥಳೀಯ ಸುದ್ದಿಗಳನ್ನು ಮಾತ್ರವಲ್ಲದೆ ಗ್ರಾಮೀಣ ಅಭಿವೃದ್ಧಿ, ಶ್ರೇಣೀಬದ್ಧ ಕಾರ್ಯಕ್ರಮಗಳು ಮತ್ತು ತಾಲೂಕಿನ ಎಲ್ಲಾ ವಿಷಯಗಳ ಮೇಲೆ ಆಳವಾದ ಗಮನ ನೀಡುತ್ತದೆ. ಸಾಮಾಜಿಕ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳು, ಗ್ರಾಮೀಣ ಶ್ರೇಣೀಕೃತ ಯತ್ನಗಳು, ಸಾಂಸ್ಕೃತಿಕ ಹಬ್ಬಗಳು ಮತ್ತು ಸ್ಥಳೀಯ ಹಿರಿಮೆಗಳ ಕುರಿತು ವಿಶೇಷ ವರದಿಗಳನ್ನು ನೀಡಲಿದೆ.
ರಾಜಕೀಯ ವಿಶ್ಲೇಷಣೆ:
ಉಳ್ಳಾಲ ತಾಲೂಕಿನ ಪ್ರಸ್ತುತ ರಾಜಕೀಯ ಪರಿಸ್ಥಿತಿಗಳ ಪರಿಕಲ್ಪನೆ ಮತ್ತು ಚರ್ಚೆಗಳಿಗೆ ವಿಶೇಷ ವೇದಿಕೆ ಒದಗಿಸಲಿದೆ.
ಪತ್ರಿಕೆ ಸ್ಥಾಪನೆಯ ಹಿನ್ನಲೆ:
ಅನೇಕ ವರ್ಷಗಳ ಕಾಲ ಪತ್ರಿಕೋದ್ಯಮದಲ್ಲಿ ವಿಶೇಷ ಆಸಕ್ತಿ, ಅನುಭವ ಹೊಂದಿರುವ ನಮ್ಮ ತಂಡ, ಇತ್ತೀಚೆಗೆ ಉಳ್ಳಾಲದ ಪ್ರಸಾರವಾಗುವ ಪತ್ರಿಕೆಗಳಲ್ಲಿ ಏನು ಕೊರತೆಗಳಿವೆ ಎನ್ನುವುದನ್ನು ಪರಿಶೀಲಿಸಿದೆ. ಹಾಗಾಗಿ ಸ್ಥಳೀಯ ಪ್ರಸಾರ ಮಾಧ್ಯಮಗಳಲ್ಲಿ ಪ್ರತಿಬಿಂಬಿತವಾಗದ ವಿಷಯಗಳನ್ನು ವಿಶಿಷ್ಟ ರೀತಿಯಲ್ಲಿ ಪ್ರಸ್ತುತಪಡಿಸುವ ಉದ್ದೇಶದೊಂದಿಗೆ “ಉಳ್ಳಾಲವಾಣಿ” ಪತ್ರಿಕೆಯನ್ನು ಪ್ರಾರಂಭಿಸಬೇಕೆಂಬ ನಿರ್ಧಾರ ಮಾಡಿದೆವು. ಅದೀಗ ಸಾಕಾರಗೊಳ್ಳುತ್ತಿದೆ ಎನ್ನುವ ಸಂತೋಷ ನಮ್ಮದು.
ಹೊಸ ಪತ್ರಿಕೆಯನ್ನು ಪಡೆಯುವುದು ಹೇಗೆ?:
“ಉಳ್ಳಾಲವಾಣಿ” ಪತ್ರಿಕೆಯ ಪ್ರಸರಣವು ಪ್ರತೀ ತಿಂಗಳ 15 ಮತ್ತು 1ನೇ ತಾರೀಖಿಗೆ ನಿಯಮಿತವಾಗಿ ಪ್ರಕಟವಾಗಲಿದೆ. ಸಾರ್ವಜನಿಕರು ಮತ್ತು ವಿದ್ಯಾರ್ಥಿಗಳು ಪತ್ರಿಕೆಯನ್ನು ಸ್ಥಳೀಯ ಪೇಪರ್ ಸ್ಟಾಲುಗಳಲ್ಲಿ ಪಡೆಯಬಹುದು ಅಥವಾ ತಾವು ವಿಳಾಸ ನೀಡಿದಲ್ಲಿ ಅಂಚೆಯ ಮೂಲಕವೂ ಪಡೆಯಬಹುದು.
ನಿಮ್ಮ ಪತ್ರಿಕೆಯನ್ನು ಖರೀದಿಸಿ ಪ್ರೋತ್ಸಾಹಿಸುವ ಮೂಲಕ ನೀವು ಕೂಡಾ ಸ್ಥಳೀಯ ಸುದ್ದಿಗಳನ್ನಲ್ಲದೆ, ಊರಿನ ಕುರಿತು ಹೆಚ್ಚಿನ ಮಾಹಿತಿಗಳನ್ನು ಪಡೆದು, ಉಳ್ಳಾಲ ತಾಲೂಕಿನ ಸಮಗ್ರ ಅಭಿವೃದ್ಧಿಯಲ್ಲಿ ತಾವು ಕೂಡಾ ಸಹಭಾಗಿಗಳಾಗಬಹುದು.
ನಮ್ಮ ಈ ಹೊಸ ಪ್ರಯತ್ನವು ಎಲ್ಲಾ ಸಮುದಾಯಗಳನ್ನು ಶ್ರೇಷ್ಠ ರೀತಿಯಲ್ಲಿ ಪ್ರತಿಬಿಂಬಿಸುವಂತೆ ಮಾಡಲಿದೆ ಎಂಬ ವಿಶ್ವಾಸ ಹಾಗೂ ಆಶಯವನ್ನು ಹೊಂದಿದ್ದೇವೆ.
ಇದೇ ರೀತಿ ನಿಮ್ಮ ಬೆಂಬಲ ಮತ್ತು ಸಹಕಾರಗಳನ್ನು ಸದಾ ನಿರೀಕ್ಷಿಸುತ್ತೇವೆ.
ಉಳ್ಳಾಲ ತಾಲೂಕಾಡಳಿತ ಕೈಗೊಳ್ಳಲಿರುವ ತೊಕ್ಕೊಟ್ಟು- ಉಳ್ಳಾಲ ರಸ್ತೆಯಲ್ಲಿರುವ 110 ಅಡಿ ಎತ್ತರದ ಬೃಹತ್ ಧ್ವಜಸ್ತಂಭದಲ್ಲಿ, 20 ಅಡಿ ಎತ್ತರ ಮತ್ತು 30 ಅಡಿ ಅಗಲದ ಭಾರತದ ತ್ರಿವರ್ಣ ಧ್ವಜದ ಧ್ವಜಾರೋಹಣ ಸಮಾರಂಭದಲ್ಲಿ ಭಾಗವಹಿಸುವ ಗಣ್ಯರು ‘ಉಳ್ಳಾಲವಾಣಿ’ ಪತ್ರಿಕೆಯನ್ನು ಬಿಡುಗಡೆಗೊಳಿಸಲಿದ್ದಾರೆ.
ಸಹೃದಯೀ ಓದುಗ ಮಿತ್ರರ ಹಾಗೂ ಸಹೋದ್ಯೋಗಿಗಳ ಭಾಗವಹಿಸುವಿಕೆಯ ಮೂಲಕ ಪತ್ರಿಕೆಯ ಮೇಲೆ ತಮ್ಮ ಸದಾ ಆಶೀರ್ವಾದ ಇರಲಿ ಎಂದು ವಿನಂತಿಸುತ್ತೇವೆ.
ಸಂಪಾದಕರು
ಉಳ್ಳಾಲವಾಣಿ