UN NETWORKS
ಕೋಟೆಕಾರು : ಕರ್ನಾಟಕ ರಾಜ್ಯ ಸುನ್ನೀ ಯುವಜನ ಸಂಘದ ಕೆ.ಸಿ.ರೋಡ್ ಘಟಕದ ವತಿಯಿಂದ ಸಾಂತ್ವನ ಯೋಜನೆಯಡಿ 7ನೇ ವರ್ಷದ 7 ಜೊತೆ ಸಾಮೂಹಿಕ ಸರಳ ವಿವಾಹ ಕಾರ್ಯಕ್ರಮ ಡಿ.30ರಂದು ಬೆಳಗ್ಗೆ 10.00 ಗಂಟೆಗೆ ಕೋಟೆಕಾರ್ ನೂರ್ಮಹಲ್ನಲ್ಲಿ ನಡೆಯಲಿದೆ.
ಕೆ.ಸಿ.ರೋಡು ಎಸ್ವೈಎಸ್ ಕಳೆದ ಹತ್ತು ವರ್ಷಗಳಿಂದ 125 ಮನೆಗಳಿಗೆ ತಲಾ 10ಕೆ.ಜಿ.ಯಂತೆ ಬಡವರಿಗೆ ಅಕ್ಕಿ ವಿತರಣೆ, ಮನೆ ದುರಸ್ತಿಗೆ ಸಹಾಯ, ವಿಧವೆಯರಿಗೆ ಸಹಾಯ, ಬಡ ಮಕ್ಕಳಿಗೆ ಉಚಿತ ಪುಸ್ತಕ ವಿತರಣೆ, ಸಾಂಸ್ಕೃತಿಕ ಪರಿಕರ (ದಫ್ ಪರಿಕರ) ವಿತರಣೆ, ರಕ್ತದಾನ ಶಿಬಿರ, ರೋಗಿಗಳಿಗೆ ಔಷಧಿಗೆ ಸಹಾಯ ಮಾಡುತ್ತಾ ಬಂದಿದೆ. ವರ್ಷಾಂತ್ಯದ ಅಂಗವಾಗಿ ಈಗಾಗಲೇ 39 ಮದುವೆಗಳನ್ನು ನಡೆಸಲಾಗಿದ್ದು, ಈ ವರ್ಷ 10 ಮದುವೆ ನಡೆಸಲು ತೀರ್ಮಾನಿಸಿ, ಅದರಲ್ಲಿ ಈಗಾಗಲೇ 1 ಮದುವೆ ಮನೆಯಲ್ಲೇ ನಡೆಸಿಕೊಡಲಾಗಿದೆ. ಎರಡು ಮದುವೆ ಘಟಕ ವ್ಯಾಪ್ತಿಯೊಳಗೆ ನಡೆಸಲು ತೀರ್ಮಾನಿಸಲಾಗಿದೆ ಎಂದು ಎಸ್ವೈಎಸ್ ಕೆ.ಸಿ.ರೋಡ್ ಸೆಂಟರ್ ಅಧ್ಯಕ್ಷ ಎನ್.ಎಸ್.ಉಮರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.