UN NETWORKS
ಉಳ್ಳಾಲ: ಮನೆ ಮಂದಿಯೆಲ್ಲ ಮಲಗಿದ್ದ ವೇಳೆಯೇ ಮನೆ ಹಿಂಬಾಗಿಲಿನಿಂದ ನುಗ್ಗಿದ ಕಳ್ಳರು 9 ಪವನ್ ಚಿನ್ನ, 1 ಸಾವಿರ ರೂಪಾಯಿ ನಗದು ದೋಚಿ ಪರಾರಿಯಾದ ಘಟನೆ ಅಂಬಿಕಾರೋಡ್ ಲೇಔಟ್ ಬಿ.ಬ್ಲಾಕಲ್ಲಿ ಬುಧವಾರ ತಡರಾತ್ರಿ ನಡೆದಿದೆ. ನಿರ್ಮಲ ಬಡಾವಣೆ ನಿವಾಸಿ ನವೀನ್ ಗಟ್ಟಿ ಎಂಬವರ ಮನೆಯಲ್ಲಿ ಕಳ್ಳತನ ನಡೆದಿದೆ.
ಉಷಾರವರು ವೆನ್ಲಾಕ್ ಸರಕಾರಿ ಆಸ್ಪತ್ರೆಯ ಉದ್ಯೋಗಿಯಾಗಿದ್ದು ಗುರುವಾರದಂದು ಕುಟುಂಬದ ಕಾರ್ಯಕ್ರಮಕ್ಕೆ ತೆರಳಿರುವ ಕಾರಣ ಆಭರಣಗಳನ್ನು ಟೇಬಲ್ ಮತ್ತು ಶೋಕೆಸ್ ನಲ್ಲಿಯೇ ಇರಿಸಿ ಮಲಗಿದ್ದರು. ಶೋಕೇಸ್ ನಲ್ಲಿ ಚೈನ್ ಜೊತೆ ರೋಲ್ಡ್ ಗೋಲ್ಡ್ ಬಳೆ ಕೂಡಾ ಇಟ್ಟಿದ್ದರು. ಆದರೆ ಬಳೆ ರೋಲ್ಡ್ ಗೋಲ್ಡ್ ಎಂದು ಅರಿತ ಕಳ್ಳರು ಅದನ್ನು ಅಲ್ಲೇ ಬಿಟ್ಟಿದ್ದಾರೆ.
ಸ್ಥಳಕ್ಕೆ ಉಳ್ಳಾಲ ಠಾಣಾ ಸಬ್ ಇನ್ಸ್ ಪೆಕ್ಟರ್ ವಿನಾಯಕ ತೋರಗಲ್, ಗುರುವಪ್ಪ ಕಾಂತಿ ಮತ್ತು ಸಿಬ್ಬಂದಿ ಭೇಟಿ ನೀಡಿ ತನಿಖೆ ನಡೆಸಿ ಪ್ರಕರಣ ದಾಖಲಾಸಿದ್ದಾರೆ.