UN NETWORKS
ಹೊಸದಿಲ್ಲಿ : ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಪಿಎಸ್ಎಲ್ವಿಸಿ40 ಮೂಲಕ ತನ್ನ 100ನೇ ಉಪಗ್ರಹವನ್ನು ಇಸ್ರೋ ಯಶಸ್ವಿಯಾಗಿ ಕಕ್ಷೆಗೆ ಸೇರಿಸಿದೆ.
ಅಮೆರಿಕ, ಫ್ರಾನ್ಸ್, ಇಂಗ್ಲೆಂಡ್, ಕೆನಡಾ, ರಿಪಬ್ಲಿಕ್ ಆಫ್ ಕೊರಿಯಾ ಹಾಗೂ ಫಿನ್ಲ್ಯಾಂಡ್ನ 28 ವಿದೇಶಿ ಉಪಗ್ರಹ ಸಹಿತ ಒಟ್ಟು 30 ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸಲಾಯಿತು. ಈ ಮೂಲಕ ಇಸ್ರೋ 100ನೇ ಉಪಗ್ರಹವನ್ನು ಕಕ್ಷೆ ಸೇರಿಸಿದ ಸಾಧನೆ ಮಾಡಿತು.
ಪಿಎಸ್ಎಲ್ವಿಸಿ40 ಒಟ್ಟು 1323 ಕೆಜಿ ತೂಕದ ಉಪಗ್ರಹವನ್ನು ಹೊತ್ತೊಯ್ದು ಕಕ್ಷೆಗೆ ಸೇರಿಸಿದೆ.
ಈ ಐತಿಹಾಸಿಕ ಕ್ಷಣಕ್ಕೆ ಇಸ್ರೋದ ಉನ್ನತ ಅಧಿಕಾರಿಗಳಾದ ಇಸ್ರೋ ಅಧ್ಯಕ್ಷ ಎಎಸ್ ಕಿರಣ್ ಕುಮಾರ್, ವಿಎಸ್ಎಸ್ಸಿ ನಿರ್ದೇಶಕ ಕೆ. ಶಿವಂ, ಎಲ್ಪಿಎಸ್ಸಿ ನಿರ್ದೇಶಕ ಸೋಮ್ನಾಥ್, ಎಸ್ಡಿಎಸ್ಸಿ ಡೈರೆಕ್ಟರ್ ಕುನ್ಹಿ ಕೃಷ್ಣನ್, ಐಎಸ್ಎಸಿ ನಿರ್ದೇಶಕ ಅಣ್ಣಾದೊರೈ ಸಾಕ್ಷಿಯಾದರು.