ಜಪಾನಿನ ವಿವಿ ಗೆ ಭೇಟಿ ನೀಡಲಿರುವ ನಿಟ್ಟೆ ವಿವಿಯ ಮಹಿಳಾ ಸಂಶೋಧಕಿಯರು

ಉಳ್ಳಾಲ ನ್ಯೂಸ್ ನೆಟ್‍ವರ್ಕ್

ದೇರಳಕಟ್ಟೆ : ಮಹಿಳಾ ಸಂಶೋಧಕರನ್ನು ಉತ್ತೇಜಿಸಲು “ಜಪಾನ್ ಬೆಂಬಲಿತ ಮಹಿಳಾ ವ್ಯವಸ್ಥೆಯಲ್ಲಿ ಮಹಿಳಾ ಸಬಲೀಕರಣ ಮತ್ತು ವಿಜ್ಞಾನಕ್ಕಾಗಿ ಮಹಿಳಾ ಸಬಲೀಕರಣ” ಕಾರ್ಯಕ್ರಮದಡಿಯಲ್ಲಿ ನಿಟ್ಟೆ ವಿಶ್ವವಿದ್ಯಾಲಯದ ಮೂರು ಮಹಿಳಾ ಸಂಶೋಧಕರು ಜು. 3ರಿಂದ 12ರತನಕ ಜಪಾನ್ ಮಿಯಾಝಾಕಿಯಾ ವಿಶ್ವವಿದ್ಯಾಲಯಕ್ಕೆ ಭೇಟಿ ನೀಡಲಿದ್ದಾರೆ.

ವೈಜ್ಞಾನಿಕ ಮತ್ತು ಸಾಂಸ್ಕøತಿಕ ವಿನಿಮಯವನ್ನು ಉತ್ತೇಜಿಸಲು ಜಪಾನ್ ಸೈನ್ಸ್ ಮತ್ತು ಟೆಕ್ನಾಲಜಿ ಏಜೆನ್ಸಿಯ ಪ್ರಯತ್ನದ ಭಾಗವಾಗಿದ್ದು, ಆದರಂತೆ ಜಪಾನ್ ಏಷ್ಯಾ ಯೂತ್ ಎಕ್ಸ್ ಚೇಂಜ್ ಪ್ರೋಗ್ರಾಮ್ ಆಫ್  ಸೈನ್ಸ್( ಸಕುರಾ)ಚೌಕಟ್ಟಿನಡಿಯಲ್ಲಿ ಸಂಪೂರ್ಣವಾಗಿ ಹಣವನ್ನು ಒದಗಿಸುತ್ತದೆ. ಇದು ಏಷ್ಯನ್ ದೇಶಗಳು ಹಾಗೂ ಜಪಾನ್ ನಡುವಿನ ಯುವಕರ ವಿನಿಮಯವನ್ನು ಹೆಚ್ಚಿಸುತ್ತದೆ. ನಿಟ್ಟೆ ವಿಶ್ವವಿದ್ಯಾಲಯದ ಸಹಯೋಗದೊಂದಿಗೆ ಜಪಾನ್ ಮಿಯಾಝಾಕಿಯಾ ವಿಶ್ವವಿದ್ಯಾಲಯದ ಮೆಡಿಕಲ್ ಹಾಗೂ ಫಿಸಿಯೋಲಾಜಿ ವಿಭಾಗದ ಡಾ. ರಾಧಾ ಮಧ್ಯಸ್ಥ ಸಲ್ಲಿಸಿದ ಯೋಜನೆಯ ಪ್ರಸ್ತಾಪದ ಆಧಾರದ ಮೇಲೆ ಸತತ ಮೂರನೆಯ ವರ್ಷಕ್ಕೆ ಈ ಪ್ರತಿಷ್ಠಿತ ಸಕುರಾ ವಿನಿಮಯ ಕಾರ್ಯಕ್ರಮ ಪಡೆದುಕೊಂಡಿದೆ.

ಮೂವರು ಮಹಿಳಾ ಸಂಶೋಧಕರಲ್ಲಿ ಪ್ರಮೀಳಾ ಪೂನಚಾ ಆವರು ಕ್ಷೇಮ ಡೀನ್ ಪ್ರೊ. ಡಾ. ಸತೀಶ್ ಭಂಡಾರಿ ಮಾರ್ಗದರ್ಶನದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಡಾ. ರಾಜೇಶ್ವರಿ ಅವರು ಡಾ. ಕೃಷ್ಣಕುಮಾರ್ ಹಾಗೂ ಡಾ. ಜೂಲಿಯಟ್ ಅವರು ನಿಟ್ಟೆ ವಿವಿಯ ಸಂಶೋಧನಾ ವಿಭಾಗದ ನಿರ್ದೇಶಕಿ ಡಾ. ಇಂದ್ರಾಣಿ ಕರುಣಾಸಾಗರ್ ಅವರರಿಂದ ಪಿಎಚ್‍ಡಿ ಅಧ್ಯಯನ ಮಾಡುತ್ತಿದ್ದಾರೆ. ಮಿಯಾಝಾಕಿಯಾ ವಿವಿಯ ಇತರ ವಿಜ್ಞಾನಿಗಳಿಂದ ಹೆಚ್ಚಿನ ಜ್ಞಾನವನ್ನು ಪಡೆದುಕೊಳ್ಳುವಲ್ಲಿ ಕಾರ್ಯಕ್ರಮ ಸಹಕಾರಿಯಾಗಲಿದೆ.